((***لحظة ضعف***))

أد موج البحر بندم أنك كنتي فـ يوم حبيبتي
كل لحظة بعيشها بندم إن قلبي حبك إنتي
مش راح أنسى فـ يوم دموعي أو راح أطلب يوم رجوعي
بس إحساسي بجرحي ناره آيده بين ضلوعي

إنتي نار عايشه فـ بشر إنتي داء فيّا انتشر
إنتي لحظة ضعف مني قلبي بسببها انكسر



دا الحنان منك هجر وانتي إحساسك حجر
حب قلبك كان خداع قلت هابعد واختصر
كل كلمة قلتهالك كل صورة رسمتهالك
كنت دايما أقول لك انتي مستحيل أعشق بدالك
وانتي كنتي بتجرحيني طول حياتي وطول سنيني
كل يوم كرهك بيكتر زي حبات المطر



إنتي نار عايشه فـ بشر إنتي داء فيّا انتشر
إنتي لحظة ضعف مني قلبي بسببها انكسر

بعد جرح القلب كله بعد موته وبعد ذله
مش هاسيب قلبك في حاله لازم أجرح فيه وأذله
مش هاخون غير قلب خانني وانتي ياما بعدتي عني
حبي ليكي كان نهايتي كان حنين قلبك خطر

إنتي نار عايشه فـ بشر إنتي داء فيّا انتشر
إنتي لحظة ضعف مني قلبي بسببها انكسر